भरतपुरको मुख्य सडकमा शंकास्पद वस्तु, सेनाको डिस्पोल टोली पुग्दै

चितवनको भरतपुरस्थित मुख्य राजमार्गको बीच भागमा शंकास्पद बस्तु राखेपछि उक्त स्थान वरिपरिका सर्वसाधारण त्रसित भएका छन् । आज दिउँसो साढे २ बजेको समयमा शंकास्पद वस्तु देखिएको प्रहरीले बताएको छ ।

भरतपुर महानगरपालिका १० स्थित चितवन मेडिकल कलेजको गेट अगाडि तार जोडिएको शंकास्पद वस्तु राखिएको छ । शंकास्पद वस्तु देखिएपछि नेपाल प्रहरी र सशस्त्र प्रहरी बलको टोली उक्त स्थानमा पुगेको छ ।

लगत्तै भरतपुरस्थित सेनाको कालीबहादुर गणबाट सेनानी सुमन न्यौपानेको कमाण्डमा बम डिस्पोजल टोली उक्त स्थानमा पुगेको छ । टोली शंकास्पद वस्तुलाई निस्क्रिय पार्ने कार्यमा जुटेको बताइन्छ ।