पहिचान खुल्न नसकेका र बेहोस फेला परेको पुरुषको मृत्यु
दोलखाको भीमेश्वर नगरपालिकामा बेहोस अवस्थामा फेला परेका एक पुरुषको मृत्यु भएको छ ।
ती पुरुषको पहिचान भने खुल्न सकेको छैन।
अन्दाजी ३५ बर्षीय पुरुष भीमेश्वर वडा नम्बर ३ स्थित चरिकोट–मन्थली सडकमा लडेर बेहोस अवस्थामा फेला परेका थिए।
खबर प्राप्त भएसँगै प्रहरी टोलीले उनलाई उपचारका लागि पशुपति चौलागाई स्मृति अस्पताल लगेको थियो ।
उनको उपचारका क्रममा आज बिहान मृत्यु भएको दोलखाका प्रहरी प्रवक्ता प्रहरी निरीक्षक राजेश सिग्देलले जानकारी दिनुभयो ।
अहिले शव अस्पतालको शव गृहमा राखिएको छ भने घटनाको विषयमा अनुसन्धान भइरहेको प्रहरीले जनाएको छ ।
टिप्पणीहरू