मानुषीलाई समर्थन गरेका कमल थापाका उम्मेदवार निस्क्रिय बस्ने

काठमाडौं निर्वाचन क्षेत्र नम्बर–७ बाट प्रतिनिधि सभा सदस्यमा राप्रपा नेपालबाट उम्मेदवारी दिएका कुमार श्रेष्ठ चुनावी मैदानबाट फिर्ता भएका छन् । तीर चिन्ह लिएर चुनावमा उठेका श्रेष्ठले उम्मेदवारी निस्क्रिय पार्दै सत्ता गठबन्धनकी साझा उम्मेदवार मानुषी यमी भट्टराईलाई समर्थन गर्ने बताएका छन् । 

उनले आज विज्ञप्ति जारी गर्दै आफ्ना समर्थक र मतदातालाई हँसिया हथौडामा मतदान गर्न आग्रह गरेका छन् । ‘निर्वाचन क्षेत्र नम्बर–७ मा योग्य, जुझारु, विचारवान, क्षमतावान, अध्ययनशील, महिला राजनीति नेतृ मानुषी यमी भट्टराई योग्य उम्मेदवार रहन गएको निष्कर्षसहित म, मेरा शुभचिन्तक, मेरा मतदाता सबैलाई मंसिर ४ गते हँसिया हथौडा चुनाव चिन्हमा मतदान गर्न अपिल गर्दछु’, विज्ञप्तिमा भनिएको छ ।