काठमाडौंको तारकेश्वरमा सकेट बम फेला

राजधानीको तारकेश्वर नगरपालिकामा सकेट बम फेला परेको छ । आज साँझ ६ बजेको समयमा स्थानीय साङ्ला छापमा बम फेला परेपछि सेनाको टोली घटनास्थल पुगेको बताइन्छ ।

अज्ञात समूहले प्लटिङ गरिएको जग्गामा मलको बोरा अगाडि सकेट बम जस्तै वस्तु राखेका हुन् । उक्त शंकास्पद वस्तु नष्ट गर्न नेपाली सेनाको टोली त्यहाँ पुगेको छ ।  मेजरको कमाण्डमा घटनास्थलमा पुगेको सेनाको डिपोजल टोलीले निस्क्रिय बनाउन थालेको छ । त्यसबारे आवश्यक अनुसन्धान थालिएको प्रहरीले बताएको छ ।