ललितपुरको मन्दिरमा नक्कली बम

ललितपुरको भैंसैपाटीस्थित एउटा मन्दिरमा नक्कली पुतली (डमी) राखेर स्थानीयलाई आतंकित तुल्याइएको छ । भैंसेपाटीस्थि रेडियो नेपालको टावरको नजिकै रहेको मन्दिरको छेउमा राखिएको शंकास्पद डमीलाई सेनाको बम डिस्पोजल टोलीले निस्क्रिय बनाएको छ ।

आज दिउँसो भेटिएको उक्त कालो बस्तुलाई रातो कपडाले बेरिएको थियो । तत्काल प्रहरी र सशस्त्र प्रहरी को टोली त्यहाँ पुगेर घटनास्थललाई नियन्त्रणमा लिएको बताइन्छ । 

केही बेरपछि सेनाको राजदल गणका उप सेनानी कुमार बस्नेतको कमाण्डमा पुगेको टोलीले उक्त शंकास्पद बस्तुलाई डिस्पोज गरेको थियो ।