प्रेस काउन्सिल आज दिउँसो १ बजेपछि बन्द

प्रेस काउन्सिल नेपालले आज आधा दिनको छुट्टी दिएको छ । काउन्सिलका संस्थापक अध्यक्ष सुरेन्द्रबहादुर बस्नेतको निधनमा शोक बिदा दिइएको हो । काउन्सिलले बस्नेतको हिजो देहावसान भएकाले उनीप्रति हार्दिक समवेदना व्यक्त गर्दै आज आधा दिनको छुट्टी दिएको जानकारी गराएको छ । 

‘प्रेस काउन्सिल नेपालका संस्थापक अध्यक्ष सुरेन्द्रबहादुर बस्नेतको मिति २०७९ पुस १० गते देहावसान भएकोमा दिवङ्गत आत्माको चिरशान्तिको कामनासहित हार्दिक श्रद्धान्जली एवम् शोक सन्तप्त परिवारजनप्रति हार्दिक समवेदना व्यक्त गर्दै मिति २०७९ पुस ११ गते सोमबार आधा दिन (१ बजेपछि) प्रेस काउन्सिल सचिवालय शोक बिदाको रुपमा बन्द रहने निर्णय भएकोले सम्बन्धित सबैमा जानकारी गराइन्छ’, सूचनामा भनिएको छ ।