दुर्गा प्रसाईंले बैंकहरुको ‘ज्यादती’ को भण्डाफोर गर्ने

मेडिकल माफियाको रुपमा चिनिएका दुर्गा प्रसाईं उर्फ मार्सीले आज बैंक तथा वित्तीय संस्थाहरुको उछितो काढ्ने भएका छन् । उनले आज बिहान राजधानीमा आयोजना गर्न लागिएको पत्रकार सम्मेलनमा बैंक तथा वित्तीय संस्थाहरुले सर्वसाधारणमाथि ज्यादती गरेकोबारे प्रमाणसहित बोल्ने बताइएको छ ।

कन्स्टिच्युशनल फोरम अफ नेपालले प्रसाईंको प्रमुख आतिथ्यमा राष्ट्र, राष्ट्रियता, धर्म र संस्कृति बचाऊ अभियानअन्तर्गत बैंक तथा वित्तीय संस्थाहरूको ज्यादती विरूद्ध देशभर बिरोध प्रदर्शनको घोषणा गर्न लागेको हो । उक्त घोषणा दरबारमार्गस्थित होटल उडल्याण्डमा बिहान १० बजेपछि गर्ने आयोजकले जनाएको छ ।

प्रसाईं आफैँ बैंक तथा वित्तीय संस्थाहरुबाट धेरै ऋण लिने व्यवसायीमध्ये एक हुन् । उनको बिर्तामोडस्थित बिएण्डसी अस्पतालमा धेरै वटा बैंकले ऋण प्रदान गरेका छन् ।