मदिराले मात्तिएर मान्छे कुट्ने ‘म्याकुरी’ प्रहरी हिरासतमा

मदिरा पिएर कुटपिटमा उत्रिएको आरोपमा कलाकार पवन खतिवडा समातिएका छन् । उनलाई मोरङको बेलबारीस्थित एक होटलबाट हिजोराति पक्राउ गरेको हो ।

इलाका प्रहरी कार्यालय बेलबारीका अनुसार मंगलबार राति मोरङको बेलबारी नगरपालिका–१ स्थित एक होटलमा मदिरा पिएर कुटपिटमा उत्रिएपछि उनलाई पक्राउ गरेर हिरासतमा राखिएको छ ।

उनीसहित दुई जनालाई  बेलबारीका एक युवालाई कुटपिट गरेको पाएपछि पक्राउ गरेको बेलबारीका इन्सपेक्टर खगेन्द्र धमलाले बताए । कुटपिटबाट सामान्य घाइते भएका ती युवालाई उपचारका लागि अस्पताल पठाइएको छ । 

विभिन्न भिडिओ बनाएर आफ्नो युट्युब च्यानलबाट प्रसारण गर्ने खतिवडा ‘म्याकुरी’ थेगोले चर्चित छन् ।