नागार्जुनबाट ८ जुवाडे पक्राउ

काठमाडौँको नागार्जुनमा प्रहरीले ८ जुवाडेलाई खालबाटै पक्राउ गरेको छ । नागार्जुन नगरपालिका-२ गैरीगाउँका २५ वर्षीय भोजप्रताप थापासहित ८ जना जुवा खेलिरहेका बेला समातिएका हुन् ।

प्रहरी वृत्त स्वयम्भूबाट खटिएको प्रहरी टोलीले विशेष सूचनाको आधारमा ४७ वर्षीय उद्दब मल्लको कोठामा जुवा खेलिरहेका उनीहरुलाई हिजो दिउँसो पक्राउ गरेको हो । प्रहरीले उनीहरुको साथबाट ३३ हजार ६ सय नगदसहित ९ बुक तास पनि बरामद गरेको छ ।

पक्राउ परेकामाथि थप अनुसन्धान भइरहेको प्रहरीले जनाएको छ ।