चितुवाको हड्डी बोकेका बाजुराका दुई भाइ डडेल्धुरामा पक्राउ

डडेल्धुरामा चितुवाको हड्डीसहित प्रहरीले दुई जनालाई पक्राउ गरेको छ । बाजुराको बुढीगंगा नगरपालिका–१० का २६ वर्षीय राजेन्द्र जैसी र खप्तड छेडेदह गाउँपालिका–७ का २७ वर्षीय वीरबहादुर वली समातिएका हुन् । 

सुदूरपश्चिम प्रदेश प्रहरी अनुसन्धान ब्यूरो र जिल्ला प्रहरी कार्यालय डडेल्धुराबाट खटिएको टोलीले उनीहरुलाई गएराति चार किलो चितुवाको हड्डीसहित पक्राउ गरेको हो । प्रहरीका अनुसार अमरगढी नगरपालिका–५ बागबजारस्थित जाँच गर्ने क्रममा उनीहरु उक्त हड्डीसहित फेला परेका हुन् । 

पक्राउ परेकामाथि थप आवश्यक अनुसन्धान भइरहेको प्रहरीले जानकारी दिएको छ ।