बैंकक उड्न लागेका चिनियाँकाे लगेजभित्र ठूलाे परिमाणकाे भियाग्रा
ठूलो परिमाणको भियाग्रा बोकेर बैंकक उड्ने तरखरमा रहेका एक जना चिनियाँ आज दिउँसो त्रिभुवन अन्तर्राष्ट्रिय विमानस्थलमा पक्राउ परेका छन् । साढे १ बजेको थाई स्माइलको उडान नम्बर डब्लुई ३२० बाट बैंकक हुँदै ग्वाङ्झौ जान लागेका लि छियान् लगेज एक्सरे गर्ने क्रमा प्रहरी नियन्त्रणमा पुगेका हुन् ।
इ सी ०८४३६६२ नम्बरको राहदानी बोकेका ४६ वर्षे हेनान प्रान्तका छियान्को ब्यागेजमा ९५ थान यौनबद्र्धक भियाग्रा फेला परेको हो । उनलाई लगेज एक्सरे गर्ने क्रममा उक्त परिमाणको भियग्रासहित प्रहरीले नियन्त्रणमा लिएको बताइन्छ । उनीमाथि थप प्रहरी अनुसन्धान भइरहेको जनाइएको छ ।
टिप्पणीहरू