पूर्वमन्त्रीहरु काठमाडौं भित्रिने र बाहिरिने क्रम उस्तै

एमाले उपाध्यक्ष तथा पूर्वमन्त्री विष्णु पौडेल आज उपत्यका बाहिरबाट काठमाडौं आइपुग्नुभएको छ । उहाँ जनकपुरबाट बुद्ध एअरको उडान नम्बर बीएचए ५१२ मा साँझ साढे ७ बजे राजधानी आइपुगेको बताइन्छ । 

मन्त्री पौडेलसँगै सोही उडानमा महान्यायाधिवक्ता डा. दिनमणि पोखरेल पनि जनकपुरबाट काठमाडौं आउनुभएको हो । 

आजै साँझ नेपाली काँग्रेसका महामन्त्री तथा पूर्वमन्त्री गगन थापा भैरहवा पुगेको बताइन्छ । उहाँ बुद्ध एअरको उडान नम्बर बीएचए ८०७ मा साँझ साढे ७ बजे त्यसतर्फ प्रस्थान गर्नुभएको हो ।