खुर्पाले हानेर आमाको हत्या गर्ने छोरो प्रहरी नियन्त्रणमा
काभ्रेपलाञ्चोकमा आमाको हत्या गरेको आरोपमा प्रहरीले एक जनालाई पक्राउ गरेको छ ।
पनौती नगरपालिका–११, बलथलीकी ९० वर्षीया कान्छीमाया थापाको हत्या गरेको आरोपमा उनका छोरा ५२ वर्षीय राजेन्द्र भन्ने विष्णुबन्धु थापा समातिएका हुन् ।
घरायसी झगडाका कारण विष्णुले कान्छीमायाको टाउकोमा खुर्पा प्रहार गर्दा उनी गम्भीर घाइते भएकी थिइन् । तत्काल उपचारको निम्ति शिर मेमोरियल अस्पताल लैजाने क्रममा उनको बाटोमै मृत्यु भएको बताइन्छ ।
यस सम्बन्धमा थप आवश्यक अनुसन्धान भइरहेको प्रहरीले जनाएको छ ।
टिप्पणीहरू