स्याउको कार्टुनमा गाँजा ओसार्ने नयाँ कला
बाराको निजगढमा गाँजासहित चारजना समातिएका छन् ।
स्याउको कार्टुनमा गाँजा लुकाएर ओसारेको आरोपमा प्रहरीले मकवानपुरका ३४ वर्षीय चन्द्रबहादुर मोक्तान, रौतहटका २४ वर्षीय अर्जुन गौतम, झापाका ४६ वर्षीय शंकर दाहाल र ३४ वर्षीय विनोदकुमार पोखरेललाई पक्राउ गरेको छ ।
इलाका प्रहरी कार्यालय निजगढबाट खटिएको टोलीले निजगढ नगरपालिका–८, उनासी पुलस्थित सडकबाट उनीहरुलाई आज बिहान नियन्त्रणमा लिएको जानकारी गराइएको छ ।
प्रहरीका अनुसार हेटौंडाबाट काँकडभिट्टातर्फ जाँदै गरेको मे. १ ख २३२२ नम्बरको बसको सिटमुनि स्याउको कार्टुनभित्र उनीहरुले साढे १३ किलो गाँजा लुकाएर राखेका थिए । प्रहरीले शंका लागि चेकजाँच गर्दा ठूलो परिमाणमा गाँजा भेटिएपछि उनीहरुलाई नियन्त्रणमा लिएर अनुसन्धान गरिरहेको छ ।
टिप्पणीहरू