भारत लैजाँदै गरिएको अवैध मदिरा सशस्त्रद्वारा बरामद
नेपालबाट भारततर्फ लैजाँदै गरिएको एक लाख १७ हजार रुपैयाँ बराबरको मदिरा बरामद गरिएको छ । रौतहटको राजदेवी नगरपालिका–५ काँटाचोकबाट सशस्त्र प्रहरी बलले आज एक सय २० कार्टुन मदिरा बरामद गरेको जनाएको छ ।
सशस्त्र प्रहरी बल गण नम्बर ११ बाट खटिएको टोलीले उक्त परिमाणको मदिरा बरामद गरेको हो ।
रौतहटकै राजपुरबाट ४ लाख रुपैयाँभन्दा बढीको मल पनि सशस्त्रले नियन्त्रणमा लिएको छ । राजपुर नगरपालिका–६ कुडियास्थित स्थानीयले सञ्चालन गरेको पसलमा भण्डारण गरिएको अवस्थामा ४ सय ६६ बोरा अवैध रुपमा ल्याइएको मल बरामद गरेको सशस्त्रले बताएको छ ।
बरामद सामान आवश्यक कारबाहीको निम्ति गौर भन्सार कार्यालय बुझाइएको छ ।
टिप्पणीहरू