अरुलाई सराप्ने रास्वपाका साँसद पनि बैठकमा बस्दैनन्

प्रतिनिधिसभाको बैठक चलिरहेको छ,हल लगभग शून्यजस्तै छ। कतिपय सांसद बोलिरहेका छन्,तर सुनिदिने ‘माननीयज्यू’ छैनन्।

मंगलबार बसेको प्रतिनिधिसभा बैठकको अन्त्यसम्म सदनमा थोरै सांसदहरू बसे । संख्यामा भन्नुपर्दा १४ देखि २२ जना, निस्किने–भित्रिने क्रम जारी थियो । अरु त अरु,‘हरेक वाक्यमा आफूलाई नयाँ–नयाँ’ बताउने राष्ट्रिय स्वतन्त्र पार्टीका सांसदहरूसमेत सदनमा भेटिँदैनन् । उनीहरू आफ्नो पालोमा बोल्छन् अनि निस्किन्छन् ।

"सत्ता राजनीति किन बिग्रियाे? ‘बोली र व्यवहार’मा सामञ्जस्यता नमिल्दा । नयाँ भन्नुकाे अर्थ नमूना हाे, सुधार र आमूल परिवर्तन देखाउने प्रतिबध्दतासमेत हाे । तर रास्वपाका सांसदहरू सामाजिक सञ्जालमा एकथरी लेख्छन्,सदनमा समाचार पढेर समय खेर फाल्छन्, प्रतिनिधिसभाकाे बैठकमा समेत पूरै बस्दैनन् ।"

नीति तथा कार्यक्रममाथि बहस भइरहँदा परम्परागत दलका सांसदहरू भन्दा भिन्न देखिएनन्, रास्वपा सांसद । अघिल्ला–अघिल्ला ‘संसद बैठकमा अन्य दलका माननीयहरू खै..! सांसदहरूको उपस्थिति कमजोर भयो’ भन्दै चिच्याउने रास्वपाकै सांसदहरू हिजोआज आफैं हराइरहेका छन् ।

सत्ता राजनीति किन बिग्रियाे? ‘बोली र व्यवहार’मा सामञ्जस्यता नमिल्दा । नयाँ भन्नुकाे अर्थ नमूना हाे, सुधार र आमूल परिवर्तन देखाउने प्रतिबध्दतासमेत हाे । तर रास्वपाका सांसदहरू सामाजिक सञ्जालमा एकथरी लेख्छन्,सदनमा समाचार पढेर समय खेर फाल्छन्, प्रतिनिधिसभाकाे बैठकमा समेत पूरै बस्दैनन् ।

हिजाे प्रतिनिधिसभा बैठकको अन्त्यसम्म रास्वपाका ६ सासदहरू फेसबुक चलाउँदै बसिरहेका थिए । सदनमा महत्वपूर्ण विषयमा बहस भइरहेका बेला रास्वपाले देखाइरहेको रवैयाप्रति नयाँपुस्ता सन्तुष्ट छैन । पात्र फेरिँदैमा परिवर्तन हुँदैन । नीति र नियती पनि फेरियाेस् भन्छन् मतदाता ।