वातावरण दिवसको दिन फोहोरमैला व्यवस्थापन संघले कार्यक्रम गर्ने

फोहोरमैला व्यवस्थापन संघले विश्व वातावरण दिवसका अवसरमा आगामी शनिबार बृहत् जनचेतनामूलक प्रभातफेरि कार्यक्रम आयोजना गर्ने भएको छ ।  

फोहोरमैला व्यवस्थापन क्षेत्रमा क्रियाशील संघसंस्था, व्यक्तित्वहरुको सहभागितामा संघले विश्व वातावरण दिवस सन् २०२३ को अवसरमा सो कार्यक्रम आयोजना गर्न लागेको हो । 

संघका महासचिव मित्रप्रसाद घिमिरेका अनुसार शनिबार बिहान ७ बजेदेखि ९ बजेसम्म बृहत् जनचेतनामूलक प्रभातफेरि कार्यक्रम आयोजना गरिने छ । 

साथै, काठमाडौँको भृकुटीमण्डप–न्युरोड गेट–जुद्धशालिक–इन्द्रचोक–असन–रत्नपार्क–शान्ति माटिका हुदैँ भृकुटीमण्डपसम्म प्याली गर्ने कार्यक्रम समेत रहेको जानकारी दिइएको छ ।