अवतरण गर्दै गरेको जहाजमा चुरोट सल्काउने यात्रु प्रहरी नियन्त्रणमा

त्रिभुवन अन्तराष्ट्रिय विमानस्थलमा अवतरण गर्न लागेको जहाजभित्र चुरोट सल्काउने एकजना नेपाली यात्रु पक्राउ परेका छन् ।  

कोरियन एयरलाइन्सको जहाज आज साँझ सवा पाँच बजे काठमाडौँ विमानस्थलमा अवतरण गर्न लागेका बेला जहाजको ट्वाइलेटमा छिरेर एक यात्रुले चुरोट सल्काएका थिए । जहाज अवतरण भएलगत्तै ती यात्रुलाई प्रहरीले नियन्त्रणमा लिएको हो । उनीमाथि थप  अनुसन्धान भैरहेको प्रहरीले जनाएको छ । 

सो जहाज दक्षिण कोरियाको राजधानी सियोलबाट यात्रु लिएर काठमाडौँ आएको हो ।