माउण्टेन फ्लाइटमा गएको बुद्ध एअरको विमान लगत्तै अवतरण

माउण्टेन फ्लाइटको निम्ति उडेको बुद्ध एअरको विमान केही बेरमै काठमाडौं फर्केको छ । आज बिहान काठमाडौं विमानस्थलबाट उडेको बुद्धको विमान मौसम खराबका कारण फर्केको जनाइएको छ ।

बुद्धको विमान १७ जना यात्रु बोकेर साढे ६ बजे उडेको थियो । तर, उडेको केही समयपछि मौसम खराब भएको जनाउँदै विमान सवा ७ बजे काठमाडौं विमानस्थलमा अवतरण गरेको बताइन्छ ।