ल क्याम्पसले माग्यो छात्रवृत्तिका लागि आवेदन

नेपाल ल क्याम्पसले छात्रवृत्तिका लागि दरखास्त आह्वान गरेको छ । 

क्याम्पसले आफ्नो स्थापना दिवसको अवसरमा छात्रवृत्ति प्रदान गर्न लागेको हो । आज सूचना प्रकाशित गर्दै क्याम्पसले बिभिन्न विधामा पुरस्कार तथा छात्रवृत्ति दिने तयार रहेको जनाएको छ । 

'नारायणप्रसाद देवकोटा छात्रवृत्ति–२०५५', 'शान्ता थपलिया पारिवारिक कानून पुरस्कार–२०६१', 'डा.शकुन्तला उप्रेती छात्रवृत्ति–२०६७', 'विजयालक्ष्मी छात्रवृत्ति–२०७४' र 'मकसुदन चौधरी मेमोरियल पुरस्कार–२०७५' समेतका छात्रवृत्ति तथा पुरस्कार प्रदान गरिने सूचनामा उल्लेख छ । 

आगामी असार १५ गतेसम्म आवेदन दिन सूचनामा भनिएको छ । नागरिकताको प्रमाणपत्र, शैक्षिक तथा चारित्रिक प्रमाणपत्रको प्रमाणित प्रतिलिपिसहित छात्रवृत्तिका लागि परीक्षा शाखामा निवेदन दिनुपर्ने जनाइएको छ ।