सिंहदरबारमा भएको घण्टौं छलफलमा शीर्ष नेताहरु आ–आफ्नै अडानमा

संसद बैठकमा जारी अवरोध हटाउने विषयमा आज डाकिएको प्रमुख तीन दलका शीर्ष नेताहरुबीचको बैठक अनिर्णित भएको छ । सभामुख देवराज घिमिरेकोे कार्यकक्षमा भएको छलफल बिना निश्कर्ष टुंगिएको हो ।

चार घण्टासम्म भएको उक्त बैठकमा सुन तस्करी प्रकरणमा उच्चस्तरीय छानबिन समिति गठनबारे नेताहरु आ–आफ्ना अडानमा कायम रहेकाले बैठक अनिर्णित भएको बताइएको छ । एमाले उच्चस्तरीय समितिको पक्षमा र काँग्रेस तथा माओवादी केन्द्र राज्यका निकायले गरेको छानबिन तथा अनुसन्धानमा अडिग देखिएका हुन् ।

आज दिउँसो १ बजे बोलाइएको प्रतिनिधि सभाको बैठक यतिखेरसम्म बस्न सकेको छैन । अपरान्ह ४ बजे सारिएको बैठक पौने ५ बजेसम्म पनि शुरु हुन नसकेको हो ।

यसअघि आजै बोलाइएको राष्ट्रिय सभाको बैठक अवरुद्ध भएपछि पर्सि दिउँसो १ बजेसम्मका लागि स्थगित गरिएको छ ।