नयाँ मन्त्री शपथ ग्रहणपछि पद बहालीको तयारीमा
जनमत पार्टीकी समानुपातिक सांसद अनितादेवी साहले संघीय मामिला तथा सामान्य प्रशासन मन्त्रीको पद तथा गोपनीयताको शपथ ग्रहण गर्नुभएको छ ।
उहाँलाई राष्ट्रपति रामचन्द्र पौडेलले राष्ट्रपति कार्यालय, शीतल निवासमा पद र गोपनीयताको शपथ गराउनुभएको हो । भनेको मन्त्रालय नपाएपछि गत चैत १७ गते खानेपानी मन्त्री अब्दुल खानलाई राजीनामा गराएको जनमत पार्टी आजदेखि पुनः सरकारमा सहभागी भएको छ । जनमतले उद्योग, वाणिज्य तथा आपूर्ति मन्त्रालय नपाएपछि खानेपानी मन्त्रालयको जिम्मेवारी छाडेको थियो ।
यसअघि सामान्य प्रशासनमन्त्री रहेका माओवादी केन्द्रका अमनलाल मोदीलाई हिजो पार्टीले फिर्ता बोलाउने निर्णय गरेको थियो ।
टिप्पणीहरू