रुकुमबाट नेपालगञ्ज जाँदै गरेको बस भीरबाट खस्यो, एक दर्जन घाइते

सल्यानमा यात्रुवाहक बस दुर्घटना हुँदा एक दर्जन यात्रु घाइते भएका छन् । घाइतेमध्ये तीन जनाको अवस्था गम्भिर रहेको प्रहरीले जनाएको छ । 

आज दिउँसो रुकुम पश्चिमको नुवाकोटबाट नेपालगञ्ज आउँदै गरेको लु २ ख ५७३१ नम्बरको यात्रुवाहाक बस सल्यानको कपुरकोट नजिकै दुर्घटना भएको हो । बस सडकबाट करिब दुई सय मिटर तल खसेको बताइएको छ । 

जिल्ला प्रहरी कार्यालय सल्यानका प्रहरी नायब उपरीक्षक (डिएसपी) दामोदार केसीका अनुसार घाइतेको हाल दाङको तुलसीपुरस्थित राप्ती प्रादेशिक अस्पतालमा उपचार भइरहेको छ । 

घटनाबारे थप विवरण आउन बाँकी रहेको उनले जनाएका छन् ।