घ्युखोलामा बस पल्टियो, २९ जना घाइते

नवलपरासीमा आज बिहानको बस दुर्घटनामा २९ जना घाइते भएका छन् । पूर्वी नवलपुरको विनयी त्रिवेणीस्थित दाउन्नेको घ्युखोलामा बस पल्टेको बताइएको छ ।

जिल्ला प्रहरी कार्यालय नवलपुरका अनुसार धनगढीबाट काठमाडौंतर्फ आउँदै गरेको बस सडक छेउमा पल्टिएको हो । सु.प.प्र.०१–००१ ख २९८६ नम्बरको बस ‘बे्रक फेल’ भएर दुर्घटनामा परेको प्रहरीको भनाई छ ।

घाइतेहरुको स्थानीय अस्पतालमा उपचार भइरहेको छ । बसमा ३५ जना यात्रु थिए ।