धादिङमा गएराति सवारी दुुर्घटना, एक जनाको मृत्यु

धादिङको बेनिघाटमा गए राति भएको सवारी दुर्घटनामा एक जनाको निधन भएको छ । रोराङ गाउँपालिका–९ मझिमटारमा बसले मोटरसाइकललाई ठक्कर दिँदा मोटरसाइकल चालक ३३ वर्षीय राजेश गिरीको मृत्यु भएको बताइएको छ ।

काठमाडौंबाट बर्दिया जाँदै गरेको भे.१ ख ४०४९ नम्बरको बसले विपरीत दिशाबाट आइरहेको बागमती प्रदेश ०२–०४० प ५०८० नम्बरको मोटरसाइकललाई ठक्कर दिँदा गिरीको निधन भएको हो । प्रहरीका अनुसार घाइते उनको उपचारका क्रममा ललितपुरको बि एण्ड बि अस्पतालमा आज बिहान ज्यान गएको हो ।

उनको पहिले राजमार्ग अस्पताल मलेखुमा उपचार गरिएको थियो । बस चालकलाई प्रहरीले नियन्त्रणमा लिएर आवश्यक छानबिन र अनुसन्धान थालेको बताइएको छ ।