इन्द्रसरोवरमा सुमो खस्दा एक दर्जन भारतीय सिकिस्त
मकवानपुरमा भएको सवारी दुर्घटनामा १३ जना भारतीय नागरिक घाइते भएका छन् ।
इन्द्रसरोवर गाउँपालिका-५ मकैबारीस्थित कुलेखानी-मातातीर्थ-काठमाडौँ जाने भित्री सडकखण्डमा आज बिहान वीरगञ्जबाट काठमाडौँतर्फ जाँदै गरेको मधेस प्र.०३-००१ज०२८३ नम्बरको सुमो आफैँ अनियन्त्रित भई दुर्घटना भएको मकवानपुर प्रहरीले जनाएको छ ।
प्रहरीका अनुसार सुमो सडकबाट अन्दाजी २० मिटर तल खोल्सामा खसेको र चालक बाराको कलैया नगरपालिका-२१ बस्ने वर्ष २५ को अनिलकुमार साह प्रहरीको नियन्त्रणमा रहेका छन् ।
सुमोमा सवार घाइते सबै भारतीय तीर्थयात्रु रहेको र उनीहरुलाई उपचारका लागि काठमाडौँ पठाइएको जिल्ला प्रहरी कार्यालय मकवानपुरले जनाएको छ ।
ट्रेन्डिङ पोस्ट
टिप्पणीहरू