साँगामा लागेको आगो एक घण्टामै नियन्त्रणमा

बनेपाको साँगामा लागेको आगलागी तत्काल नियन्त्रणमा आएको छ । आज बिहान ११ बजेको समयमा लागेको आगो मध्यान्ह १२ बजेतिर नियन्त्रणमा आएको हो ।

स्थानीय बद्रीनाथ जोशीको ईंटा माटोले बनेको तीन तले कच्ची घरमा लागेको आगोबाट घरमा क्षति पुगे पनि मानवीय क्षति नभएको बताइन्छ । आगलागीबाट भएको क्षतिको पूर्ण विवरण प्राप्त भइसकेको छैन ।

बनेपा नगरपालिका र भक्तपुरका दमकल, स्थानीय, प्रहरी र सेनाको सहयोगमा आगो नियन्त्रणमा आएको थियो । प्रहरीका अनुसार खाना पकाउने ग्यास लिक भएकाले आगो लागेको हो ।