ट्रकको ठक्करले साइकल चालक ठहरै, सहचालक सिकिस्त हुँदा ड्राइभर बेपत्ता

बाँकेको कोहलपुरमा ट्रकको ठक्करबाट साइकल यात्रीको ज्यान गएको छ । कोहलपुर-१० चटारका ३५ वर्षीय तिर्थराम थारुको दुर्घटनामा मृत्यु भएको हो ।

नेपालगन्जबाट कोहलपुरतर्फ जाँदै गरेको ना ६ ख ८८९८ नम्बरको ट्रकले गएराति साइकलमा सवार थारुलाई ठक्कर दिएको थियो । ठक्करपछि उपचारका लागि नेपालगन्ज मेडिकल कलेज कोहलपुरमा लैजाने क्रममा बाटोमै उनको मृत्यु भएको प्रहरीले जनाएको छ ।

दुर्घटनामा ट्रकका सहचालक गम्भीर घाइते भएका छन् । उनको कौशल्या मेमोरियल अस्पतालमा उपचार भइरहेको छ । 

ट्रक चालक भने फरार छन् र उनको खोजी जारी रहेको इलाका प्रहरी कार्यालय कोहलपुरले जनाएको छ ।