जोमसोम जाँदै गरेका जर्मन नागरिक काभ्रे भीरबाट खसे
मुस्ताङको जोमसोम जाँदै गरेका एक पर्यटकको मोटरसाइकल दुर्घटनामा ज्यान गएको छ ।पोखराबाट मोटरसाइकलमा जोमसोम जाँदै गरेका जर्मन नागरिक म्याट्रेड विको दुर्घटनामा निधन भएको हो ।
उनले चलाएको मोटरसाइकल बेनी–जोमसोम सडकअन्तर्गत अन्नपूर्ण गाउँपालिका–३ काभ्रे भीरबाट अन्दाजी ८० मिटर तल कालीगण्डकीमा खसेको छ ।
सडकदेखि करिब ६० मिटर तल भीरमा अल्झेको अवस्थामा प्रहरीले म्याट्रेडको शव फेला पारेको थियो । चारजना स्पेनी नागरिक र ११ जर्मन गरेर १५ जना मोटरसाइकल राइडर हिजो पोखराबाट बेनी हुँदै मुक्तिनाथ यात्रामा गएको म्याग्दी प्रहरीले जनाएको छ ।
सँगै रहेका एक जनाको लडेर मृत्यु भएपछि सनाखत गर्न राइडरहरु आज बेनी अस्पताल पुगेका थिए ।
ट्रेन्डिङ पोस्ट
टिप्पणीहरू