मध्यरातसम्म द्यौसी भैलो खेल्न दिइयोस् : एमाले युवा संघ
नेकपा एमालेको भ्रातृ संगठन राष्ट्रिय युवा संघ जिल्ला कमिटी कैलालीले राति १२ बजेसम्म द्यौसी भैलो खेल्न दिन माग गरेको छ ।
कैलाली जिल्ला अध्यक्ष लक्ष्मण थापाले दीपावलीको अवसरमा द्यौसी भैलो राति १२ बजेसम्म खेल्न दिन जिल्ला प्रशासन कार्यालयसँग लिखित माग गरेका हुन् ।
केही वर्षयता शान्ति सुरक्षाको कारण देखाउँदै राति ९ बजेपछि द्यौसी भैलो खेल्न प्रशासनले रोक लगाएको भन्दै उनले दीपावलीमा समेत राति १२ बजेसम्म सुरक्षा दिन नसकिने अवस्था किन आयो ? भनेर जारी विज्ञप्तिमा प्रश्न गरेका छन् ।
‘आयातित विदेशी संस्कृतिका नाममा रातभरी गरिने क्रियाकलापमा आधारित संस्कृतिमा सुरक्षा प्रदान गर्न सकिने तर नेपालीहरुको महान पर्व दीपावलीको अवसरमा जम्मा १२ बजेसम्म पनि सुरक्षा दिन नसकिने अवस्था किन आयो ? यस दीपावलीको अवसरमा खेलिने देउसी भैलोलाई राति १२ बजेसम्म खेल्ने वातावरण सिर्जना गराइदिन जिल्ला प्रशासन कार्यालय कैलालीसमक्ष अनुरोध छ,’ उनले भनेका छन् ।
टिप्पणीहरू