लहानमा सवारी दुर्घटना, तीन जना गम्भीर घाइते

सिरहाको केही बेरअघि सवारी दुर्घटना भएको छ । पूर्व पश्चिम राजमार्गमा विपरीत दिशाबाट आएका पिकअप भ्यान र कार ठोक्किँदा कारमा सवार तीन जना गम्भीर घाइते भएका छन् । 

जिल्ला ट्राफिक कार्यालय सिरहाका अनुसार दुर्घटनामा सिरहाको लक्ष्मीपुर पतारी गाउँपालिका– ६ का राकेश यादव, बन्दना यादव र रितेश यादव घाइते भएका हुन् । प्र. १–०४–००१ च १००१ नम्बरको  कारमा सवार उनीहरू जनकपुरबाट लहानतर्फ आउँदै थिए । 

लहान–१२ भटियाटोलस्थित राजमार्गमा विपरीत दिशाबाट आईरहेको प्र. २–०१–००१ च ०४३७ पिकअप भ्यानसँग ठोक्किएको थियो । उनीहरूको लहानस्थित नीजि अस्पतालमा उपचार भइरहेको छ ।

भ्यानका चालक र सहचालक फरार छन् । कारमा सवार अन्य दुई जना सकुशल रहेको बताइएको छ ।