बाख्रालाई पात टिप्न रुख चढेका सञ्जयको लडेर निधन

सिरहामा पात टिप्ने क्रममा रुखबाट लडेर एक जनाको ज्यान गएको छ । लहान नगरपालिका–२४ गोविन्दपुर बस्ने ४५ वर्षीय सञ्जय साहुको निधन भएको हो । 

आज दिउँसो आफ्नै घर नजिक खेतबारीमा रहेको कटहरको रुखमा चढेर बाख्रालाई पात टिप्ने क्रममा लड्दा उनी गम्भीर घाइते भएका थिए । 

तत्काल उपचारको लागि प्रादेशिक अस्पताल लहान लैजाने क्रममा उनको बाटोमै मृत्यु भएको हो । उक्त घटनाबारे आवश्यक अनुसन्धान भइरहेको प्रहरीले जनाएको छ ।