गुडिरहेको जिपमा आगलागी, १३ जना यात्रुको भागाभाग

बाँकेमा सडकमा गुडिरहेको जिपमा लागेको आगोका कारण यात्रुहरुको भागाभाग भएको छ । बैजनाथ गाउँपालिका १ को १९ मोडमा भे.१ च ४४७० नम्बरको राइनो जिपमा वायरिङ सर्ट हुँदा लागेको आगोपछि १३ जना यात्रुले भागेर ज्यान जोगाएको बताइन्छ । 

आज बिहान भएको उक्त दुर्घटनास्थलमा सेनाको टोली तत्काल पुगेर आगलागी नियन्त्रणमा लिएको थियो । अर्जुनवाण गण सुरक्षा पोष्ट देउरालीबाट चार जनाको टोलीलगत्तै घटनास्थल पुगेको हो ।

आगलागीबाट मानवीय क्षति नभए पनि जिप पूर्णरुपमा जलेर नष्ट भएको छ ।