रिसाइकल कारखानामा आगलागी, लाखौंको क्षति

भक्तपुरस्थित एक रिसाइकल कारखानामा आगलागी भएको छ । मध्यपुर थिमी नगरपालिका वडा नम्बर २, सानोठिमीमा रहेको ‘डोको रिसाइकलर्स’ मा आज बिहान भएको आगलागीमा क्षति भएको विवरण दिइएको छ ।

पंकज पञ्जियार, कुशोल हर्जानी, रुनित हर्जानी र रघबिन्द्र महतोको संयुक्त लगानीमा खोलिएको कारखानामा विद्युत सर्ट हुँदा आज बिहान आगो लागेको बताइएको छ । 

भक्तपुर नगरपालिकाको दमकल र स्थानीयको सहयोगमा आगो नियन्त्रणमा लिइएको थियो । आगलागीका कारण मानवीय क्षति भएन तर एक टनभन्दा बढी कागज र तामा पगाल्ने मेसिन जलेको छ । 

त्यसबाट कम्तीमा १५ लाख रुपैयाँको क्षति भएको अनुमान गरिएको हो ।