प्रधानमन्त्री हेलिकोप्टरमा धुलिखेल जाँदै

प्रधानमन्त्री पुष्पकमल दाहाल प्रचण्ड काभ्रेपलाञ्चोकको धुलिखेल जान लाग्नुभएको छ । उहाँ सेनाको हेलिकोप्टर एमआई १७ मा त्यता जाने कार्यक्रम तय भएको छ । 

बालुवाटार स्रोतका अनुुसार उहाँ उपकुलपतिहरुको सम्मेलनमा भाग लिन जान लाग्नुभएको हो । प्रधानमन्त्री बिहान साढे ८ बजे धुलिखेल गएर पुनः प्रधानमन्त्रीको सरकारी निवास फर्कने बताइएको छ ।

प्रधानमन्त्रीसँगै हेलिकोप्टरमा १७ सदस्यीय टोली धुलिखेल पुगेर आउन लागेको हो ।