प्रधानमन्त्री फर्कनुअघि रवि लामिछाने मध्यरात श्रीमतीसहित क्वालालम्पुरतिर

प्रधानमन्त्री पुष्पकमल दाहाल प्रचण्ड आज साँझ स्वदेश फर्कंदै हुनुहुन्छ । उहाँ संयुक्त अरब इमिरेट्सको दुबईबाट फ्लाई दुबईको उडान नम्बर एफजेड ५७५ मा साँझ सवा ६ बजे काठमाडौं आइपुग्ने कार्यक्रम छ ।

उहाँ संयुक्त राष्ट्रसंघीय जलवायु परिवर्तनसम्बन्धी सम्मेलनमा भाग लिन गत बुधबार ३० जनाको टोलीको नेतृत्व गर्दै त्यसतर्फ जानुभएको थियो । भ्रमणको क्रममा प्रधानमन्त्रीले क्युबाका राष्ट्रपति र भारतीय प्रधानमन्त्रीसँग शिष्टाचार भेट गर्नुभएको थियो ।

यता,राष्ट्रिय स्वतन्त्र पार्टीका सभापति रवि लामिछाने श्रीमती निकिता पौडेलहित मलेसिया गएका छन् । उनी गएराति चार सदस्यीय टोलीको नेतृत्व गर्दै मध्यरात १२ बजे नेपाल वायुसेवा निगमको उडान नम्बर आरए ४१५ मा त्यता गएको बताइएको छ ।