‘सुदूरपश्चिम महोत्सव’मा प्रधानमन्त्री स्वयं पाहुना

प्रधानमन्त्री पुष्पकमल दाहाल (प्रचण्ड) भोलि कैलालीको धनगढी जानुहुने भएको छ । धनगढी उप–महानगरपालिका–१, पशुपतिटोलमा आयोजित ‘सुदूरपश्चिम महोत्सव–२०८०’ मा सहभागी हुन उहाँ त्यता जान लाग्नुभएको हो । 

कैलाली उद्योग वाणिज्य संघको आयोजनामा हुन लागेको महोत्सवको उद्घाटन प्रधानमन्त्री प्रचण्डले गर्नुहुने उनका स्वकीय सचिव रमेश मल्लले बताए । संघका पदाधिकारीहरुले हिजो उहाँलाई भेटेर कार्यक्रमको उद्घाटनका लागि निमन्त्रणा दिएको थियो । 

संघले हरेक वर्ष ‘सुदूरपश्चिम महोत्सव’ को आयोजना गर्दै आएको छ  । १७ औं संस्करणको महोत्सव भोलिदेखि शुरु भएर पुस २ गते समापन हुनेछ ।