हमासको नियन्त्रणमा रहेका विपीनको रिहाइका लागि सक्दो प्रयास गरिएको प्रधानमन्त्रीको भनाई

प्रधानमन्त्री पुष्पकमल दाहालले प्यालेष्टिनी विद्रोही समूह हमासको नियन्त्रणमा रहेका भनिएका कञ्चनपुरका विपीन जोशीका पितासँग भेट गर्नुभएको छ ।

उहाँले जोशीका परिवारसँग धनगढी विमानस्थलमा भेटेर कुराकानी गर्नुभएको बताइएको छ । प्रधानमन्त्रीले विपीनको रिहाइको निम्ति सरकारले प्रयास गरेको जानकारी दिनुभएको छ ।

प्रधानमन्त्री दाहाल धनगढीमा आयोजित सुदूरपश्चिम महोत्सवको उद्घाटनलगायत कार्यक्रममा सहभागी हुन बिहान राजधानीबाट त्यहाँ पुग्नुभएको हो । उहाँले  धनगढी उपमहानगरपालिका–१६, घसेटीमा आयोजित पार्टी प्रशिक्षण तथा भेटघाट कार्यक्रमलाई पनि सम्बोधन गर्नुभएको छ । 

त्यहाँबाट कैलाली उद्योग वाणिज्य संघको आयोजनामा भएको सुदूरपश्चिम महोत्सवको उद्घाटनमा पुग्नुभएको हो । प्रधानमन्त्री आजै साँझ राजधानी फर्कने कार्यक्रम छ ।