उपप्रधानमन्त्रीसँगै सात जनाको टोली स्वदेश फिर्ता, कतारी अधिकारीहरु पनि एउटै उडानमा

उपप्रधानमन्त्री तथा रक्षामन्त्री पूर्णबहादुर खड्का घानाको कार्यक्रममा सहभागी भएर फर्कनुभएको छ । उहाँ गत मंगलबार र बुधबार घानाको राजधानी आक्रामा आयोजित राष्ट्रसंघीय शान्तिस्थापना कार्यसम्बन्धी मन्त्रीस्तरीय सम्मेलनमा भाग लिएर गएराति आइपुग्नुभएको हो ।

उहाँ सात सदस्यीय टोलीका साथ कतार एअरवेजको उडान नम्बर क्युआर ६४४ मा राति साढे १२ बजे काठमाडौं आउनुभएको हो । उहाँसगै सेनाका उपरथी हिरालाल जोशी, सहसचिव बाबुराम अधिकारीसहित सात जना पनि फर्केका छन् ।

सोही उडानमा कतारी विदेश मन्त्रालयका प्रथम सचिव अलि युसुफ ए ए अलइब्राहिम र सुल्तान नासिर हमाइदी काठमाडौं आएको बताइएको छ ।