ट्रिपरले ठक्कर दिएपछि स्कुटी चालक बिते

सानोठिमीमा भएको सवारी दुर्घटनामा स्कुटी चालकको निधन भएको छ । राति ११ बजे सिटिइभिटी नजिकै बहाखा बजारबाट सानोठिमीतर्फ जाँद गरेको बा.४ ख २३४७ नम्बरको ट्रिपरले विपरित दिशाबाट आउँदै गरेको बा.९२ प ५५३१ नम्बरको स्कुटीलाई ठक्कर दिएको बताइन्छ । 

ठक्करबाट गम्भीर घाइते भएका स्कुटी चालक काभ्रेपलाञ्चोकका २३ वर्षे विशाल मैनालीको राति नै निधन भएको हो । शंकरदेव क्याम्पसमा स्नातक तहमा अध्ययनरत मैनालीलाई उपचारको निम्ति नागरिक अस्पताल पुर्याइएको थियो । 

अस्पतालमा पुर्याउँदा सिकिस्त उनको साढे ११ बजे निधन भएको अस्पतालले जनाएको छ । प्रहरीले ट्रिपर चालक धादिङको थाक्रे गाउँपालिका ७ का ४२ वर्षे सुरेश तामाङ र सवारी साधनलाई नियन्त्रणमा लिएर अनुसन्धान थालेको बताइएको छ ।