विवाहित महिला नारायणी पुलबाट हामफालिन्

नारायणी पुलबाट फाल हालेकी महिलाको ज्यान गएको छ । ३१ वर्षीया विवाहित संगीताकुमारी साह हिजो दिउँसो नारायणी पुलमा पुगेर नदीमा हामफालेकी हुन् ।

चितवन प्रहरीका अनुसार हिजो दिउँसो साढे ११ बजे नदीमा फालहालेकी साहको अस्पतालमा मृत्यु भएको हो । उनलाई प्रहरीको विपद् टोली र स्थानीयले मोटरबोटको सहायतामा तत्काल उद्धार गरेका थिए ।

उपचारको निम्ति भरतपुर अस्पताल पुर्याइएकोमा तत्काल निधन भएको बताइन्छ । धनुषाको जनकपुर उपमहानगरपालिका ५ घर भई हाल भरतपुर १० मा बस्दै आएकी उनको आत्महत्याको अनुसन्धान थालिएको छ । मृतक संगीता कुमारीको शव श्रीमानले बुझेका छन् ।