राष्ट्रपति ठमेलमा, प्रधानमन्त्री पेरिसडाँडा

राष्ट्रपति रामचन्द्र पौडेल ठमेल लेखनाथ मार्गमा रहेको सरस्वती बहुमुखी क्याम्पस पुग्नुभएको छ । क्याम्पसको ६५ औं वार्षिकोत्सव समारोहमा राष्ट्रपति पौडेललाई प्रमुख अतिथि बनाइएको छ ।

क्याम्पस प्रमुख डा.गोलमान गुरुङ्गको सभापतित्वमा भएको कार्यक्रममा धेरै जनाको उपस्थिति छ । अतिथिहरुमा त्रिभुवन विश्वविद्यालयका पूर्व उपकुलपति शंकरराज पाठकलगायत कार्यक्रममा पुगेका छन् ।

प्रधानमन्त्री पुष्पकमल दाहाल प्रचण्ड पार्टी मुख्यालय, पेरिसडाँडा पुग्नुभएको छ । १३१ औं माओ दिवसको उपलक्ष्यमा आयोजित कार्यक्रममा प्रधानमन्त्री सरिक हुनुभएको हो ।