सिंहदरबारमा क्याबिनेट बैठक जारी

प्रधानमन्त्री पुष्पकमल दाहाल प्रचण्डले क्याबिनेट बैठक राख्नुभएको छ । प्रधानमन्त्री तथा मन्त्रिपरिषद्को कार्यालयमा दिउँसो सवा ३ बजेदेखि शुरु भएको बैठक जारी छ । 

प्रधानमन्त्रीको अध्यक्षतामा बसिरहेको बैठकमा उपप्रधान तथा रक्षामन्त्री पूर्णबहादुर खड्का, अर्का उपप्रधान तथा गृहमन्त्री नारायणकाजी श्रेष्ठ, ऊर्जामन्त्री शक्तिबहादुर बस्नेत, सामान्य प्रशासनमन्त्री अनितादेवी साह, स्वास्थ्यमन्त्री मोहनबहादुर बस्नेतको उपस्थिति छ । 

त्यसैगरी परराष्ट्रमन्त्री नारायणप्रसाद साउद, सञ्चारमन्त्री रेखा शर्मा,  खानेपानीमन्त्री महेन्द्रराय यादव, वनमन्त्री वीरेन्द्र प्रसाद महतो, पर्यटनमन्त्री सुदन किराँती, श्रममन्त्री शरतसिंह भण्डारी, शिक्षामन्त्री अशोककुमार राई, भूमि व्यवस्थामन्त्री रञ्जिता श्रेष्ठ, अर्थमन्त्री डा. प्रकाशशरण महत, उद्योगमन्त्री रमेश रिजाललगायत सहभागी छन् । 

त्यस्तै, मुख्य सचिव बैकुण्ठ अर्याल पनि बैठकमा उपस्थित छन् ।