संयुक्त समितिको बैठकमा भाग लिन एक दर्जन भारतीय अधिकारीहरु काठमाडौंमा

नेपाल–भारत संयुक्त समितिको आज हुन लागेको बैठकमा भाग लिन भारतीय अधिकारीहरु काठमाडौं आइपुगेका छन् । प्रतिनिधिमण्डलका झण्डै एक दर्जन सदस्यहरु दुई वटा उडानमा नयाँ दिल्लीबाट आएका हुन् ।

नेपाल वायुसेवाको उडानमा साँझ साढे ७ बजे पाँच जनाको टोली आएको बताइन्छ । ११ औं संयुक्त समितिको बैठकमा ऊर्जा सम्बन्धी छलफलका लागि भारतीय केन्द्रीय विद्युत प्राधिकरणका निर्देशक ओमकान्त शुक्लासहितको टोली आएको हो ।

हिजै दिउँसो भिस्तारा एअरको उडानमा छ जनाको टोली पनि सोही बैठकमा सहभागी हुन दिउँसो सवा ४ बजे नयाँ दिल्लीबाट काठमाडौं आइपुगेको हो । भारतीय ऊर्जा सचिव नेतृत्वको प्रतिनिधिमण्डल ऊर्जा मन्त्रालयका सहसचिवलगायत छन् ।