भारतीय विदेशमन्त्रीले रोपे रुद्राक्षको विरुवा

भारतीय विदेशमन्त्री एस जयशंकर आज स्वदेश फर्कंदै छन् । नेपाल–भारत संयुक्त आयोगको बैठकमा सहभागी हुन हिजो बिहान काठमाडौं आएका उनी मध्यान्ह भारतीय वायुसेनाको विमानमा फर्कन लागेका हुन् ।

विदेशमन्त्री जयशंकरले आज बिहान पशुपतिनाथ मन्दिर परिसरमा रुद्राक्षको विरुवा रोपेका छन् । पशुपतिनाथको पूजाअर्चना गरेपछि बिहान त्रिभुवन विश्वविद्यालयको केन्द्रीय पुस्तकालयको उद्घाटन गर्ने कार्यक्रम छ । 

हिजो नेपाल–भारत संयुक्त आयोगको बैठकमा भाग लिनुअघि र पछि राष्ट्रपति रामचन्द्र पौडेल, प्रधानमन्त्री पुष्पकमल दाहाललगायत पूर्वप्रधानमन्त्रीहरु, प्रमुख राजनीतिक दलका नेता तथा सांसदहरुसँग भेटघाट गरेका थिए ।