राष्ट्रिय सभा चुनावका लागि आज मतदाता नामावली टाँसिने, अन्तिम नाम आइतबार

राष्ट्रिय सभा निर्वाचनका लागि आज मतदाता नामावली प्रकाशन हुँदै छ । माघ ११ गते हुने चुनावका लागि निर्वाचन आयोगले आज मतदाता नामावली प्रकाशन गर्न लागेको हो ।

मतदाता नामावलीउपर दावी विरोधको उजुरी दिन आजै दिउँसो ४ बजेसम्मको समय निर्धारण गरिएको आयोगले जनाएको छ । दावी विरोधउपर छानबिन गरी आयोगले आइतबार अन्तिम नामावली प्रकाशन गर्नेछ । पुस २३ गते उम्मेदवारको मनोनयन पत्र दर्ताको कार्यतालिका छ ।

राष्ट्रिय सभा निर्वाचनमा प्रदेश सभा सदस्य, गाउँपालिकाका अध्यक्ष तथा उपाध्यक्ष र नगरपालिकाका प्रमुख तथा उपप्रमुख मतदाता रहने व्यवस्था छ । प्रदेश सभा सदस्य र स्थानीय तहका प्रमुख/उपप्रमुखहरुको छुट्टाछुट्टै मतभार तोकिएको छ ।