पृथ्वीनारायण शाहको जन्मजयन्तीमा राप्रपाको चियापान

राष्ट्रिय प्रजातन्त्र पार्टी (राप्रपा)ले ‘३०२ औं पृथ्वीजयन्ती तथा राष्ट्रिय एकता दिवस’ को अवसरमा बृहत चियापान समारोहको आयोजना गर्ने भएको छ । 

आगामी शुक्रबार काठमाडौंको भृकुटीमण्डपमा दिँउसो १ देखि ४ बजेसम्म चियापान समारोह हुने राप्रपाको केन्द्रीय प्रचार विभागले जनाएको छ । विभागका अनुसार सो दिन बिहान १० बजे भृकुटीमण्डपबाट सिंहदरबारअगाडि रहेको पृथ्वी शालिकसम्म र्याली र माल्यार्पण कार्यक्रम पनि रहेको छ । 

राप्रपाले हरेक वर्ष विविध कार्यक्रम गरेर पृथ्वीजयन्ती मनाउँदै आएको छ । नेपालीलाई नाम र पहिचान दिने पृथ्वीनारायण शाहको जन्मजयन्तीमा सहभागी हुन राप्रपाले सबैमा आह्वान गरेको छ ।