गठबन्धनका उम्मेदवारलाई जिताउन कार्यकर्ता खटाउने निर्णयपछि माधव नेपाल नेपालगञ्ज प्रस्थान

नेकपा एकीकृत समाजवादीले आसन्न राष्ट्रिय सभा चुनावमा सत्तारुढ गठबन्धनका उम्मेदवारलाई जिताउन पार्टी पंक्ति परिचालन गर्ने निर्णय गरेको छ । 

आज बसेको सो पार्टीको ७३ औँ सचिवालय बैठकले उक्त निर्णय गरेको बताइएको छ । बैठकले पार्टीको विधान संशोधनबारे सुझाव संकलनका लागि प्रदेश र जिल्ला कमिटीमा पठाएको मस्यौदा केन्द्रमा आएपछि थप अध्ययन गरेर अन्तिम रूप दिने निर्णय पनि गरेको छ । 

बैठकलगत्तै अध्यक्ष माधवकुमार नेपाल नेपालगञ्ज पुग्नुभएको छ । उहाँ साँझको उडानमा त्यता जानुभएको हो । बुद्ध एयरको उडानमा अध्यक्ष नेपाल साँझ पौने ७ बजे काठमाडौँबाट नेपालगञ्ज प्रस्थान गर्नुभएको हो ।