एसमा मिसिएका सिर्पाइलीले भने, एमालेमा टिक्न कि दास बन्नुपर्छ नत्र भीम रावल

नेकपा एमालेका युवा नेता तिलक सिर्पाइली नेकपा एकीकृत समाजवादीमा प्रवेश गरेका छन् । 

आज एकीकृत समाजवादीको केन्द्रीय कार्यालय, आलोकनगर पुगेर उनी सो पार्टीमा मिसिएका हुन् । एसका महासचिव घनश्याम भुसाल, सचिवद्धय जीवनराम श्रेष्ठ र हरि पराजुली, पोलिटब्युरो सदस्य मेटमणि चौधरीलगायतका नेताहरुले सिर्पाइलीलाई पार्टीमा स्वागत गरे ।  

नयाँ पार्टीमा प्रवेश गर्दै उनले एमाले चरम व्यक्तिवादमा फसेको आरोप लगाए । भने,‘असली कम्युनिष्ट कार्यकर्ताका लागि एमालेमा तीन विकल्प छन् । पहिलो, नेतृत्वको दास बन्नुपर्छ । दोस्रो, भीम रावल बन्नुपर्छ र तेस्रो, विद्रोह गर्नुपर्छ । त्यसैले समग्रमा हिजोको दिनमा मैले नेता मानेका र आजका दिनमा पनि मैले मान्नुपर्ने नेता एकीकृत समाजवादीमा हुनुहुन्छ । म एमालेको दास भएर बस्न चाँहिन । विद्रोह गरेर हिँडे ।’

सिर्पाइली एमालेको कर्णाली प्रदेश कमिटीका पूर्वसदस्य हुन् ।