बस दुर्घटनामा निधन भएका १२ मध्ये आठको सनाखत, २३ जना घाइते

नेपालगञ्जबाट काठमाडौँतर्फ जाँदै गरेको यात्रुवाहक बस दुर्घटनामा निधन भएकाको संख्या १२ पुगेको छ । तीमध्ये आठ जनाको सनाखत भएको छ । दाङको भालुबाङस्थित राप्ति नदीमा गएराति बस खस्दा ठूलो संख्यामा मानवीय क्षति भएको हो ।

प्रहरीका अनुसार मृत्यु हुनेमा हेटौँडाका ३९ वर्षीय सौरभ विष्ट, काठमाडौँको चन्द्रागिरि नगरपालिका–५ का ६५ वर्षीय ताराकान्त पाण्डे, भारत उत्तर प्रदेशका ३१ वर्षीय मुने र जुम्लाका ४० वर्षीय मुनबहादुर रावत हुन् । त्यसैगरी बाँकेका २० वर्षीय रामबहादुर हरिजन, रुकुमका २५ वर्षीय दीपक कामी, भारत बिहारका ६७ वर्षीय देवेन्द्र राय र नेपालगञ्जकी ६० वर्षीया कुसुम बस्नेतको पनि दुर्घटनामा ज्यान गएको छ । । शवलाई लमहीस्थित लमही अस्पतालमा राखिएको छ ।

घाइते २३ जनालाई उपचारका लागि बुटवल र नेपालगञ्ज पठाइएको छ । भे.१ ख ३९१२ नम्बरको बसका चालक सल्यानका २८ वर्षीय लालबहादुर नेपालीलाई प्रहरीले नियन्त्रणमा लिएको छ । 

घाइतेहरुमा काठमाडौंकी ११ वर्षीया अब्या पाण्डे, वर्ष ३८ की मञ्जु शर्मा, बाँकेका २० वर्षे निरञ्जन कोरी, वर्ष २४ का आशुतोष गौतम र रौतहटका २६ वर्षीय सञ्जय कार्की छन् । 

त्यसैगरी बाँकेको कोहलपुरका २१ वर्षे धनबहादुर पुन मगर, भारतका २० वर्षीय छोटी सिलौटा, बर्दियाका २२ वर्षीय राजीव थारु, जुम्लाका १९ वर्षीय विशाल बोहरा र बाँकेका १८ वर्षीय दशरथ विक पनि घाइते भएका छन् । 

घाइते अन्यमा बाँकेका १९ बर्षीय नफिज खान, डोल्पाका ३५ वर्षीया धनकली बुढा, बाँकेको राप्ती सोनारी २ का ३१ वर्षीय कुलबहादुर गोसाई घाइते भएका छन् । उनी बसका सहचालक हुन् । 

काठमाडौंका ४५ वर्षीय सुवास कार्की, नेपालगञ्जकी ३५ वर्षीया लिला वली, ६० वर्षीया कुसुम बस्नेत, बैजापुरका २१ वर्षीय शंकर थारु र २३ वर्षे भारतीय राहुलकुमार अहीरको पनि अस्पतालमा उपचार भइरहेको छ ।